Llwybr Arfordir Ceredigion - O'r Teifi i'r Dyfi

Mae  Llwybr Arfordir Ceredigion yn dilyn trywydd 60 milltir rhwng aberoedd y Teifi a’r  Dyfi. Mae’r llwybr troed yn cysylltu trefi a phentrefi’r arfordir ar hyd golygfeydd ysblennydd Bae Ceredigion.  Bydd cerddwyr yn gweld blodau gwyllt, adar y môr a chyfoeth o fywyd gwyllt.  Mae hanes cyfoethog yr ardal yn amlwg, o gaerau’r oes haearn i borthladdoedd y 19eg ganrif.

Mae arfordir Ceredigion yn arbennig. Byddwch yn darganfod arfordir cyfoethog; y twyni yn Ynyslas, stormdraethau, baeau tywodlyd a chlogwyni uchel. Dynodir pedair rhan yn Arfordir Treftadaeth tra bo dwy ardal ym Mae Ceredigion yn Ardaloedd Cadwraeth Forol Arbennig oherwydd eu pwysigrwydd i fywyd gwyllt.   

Rhoddwyd cymorth i brosiect Llwybr yr Arfordir gan Raglen Amcan 1 yr UE, Cyngor Cefn Gwlad Cymru a Chymdeithas y Cerddwyr.

Cyhoeddwyd arweinlyfr swyddogol ar gyfer Llwybr yr Arfordir gan y Cyngor Sir – ‘Llwybr Arfordir Ceredigion – o’r Teifi i’r Dyfi’. Ysgrifennwyd ef gan Gerald Morgan.

Mae arweinlyfr llwybr yr arfordir ar gael o’r Canolfannau Croeso a mannau eraill.

Os ydych am wybodaeth i ymwelwyr ynglŷn ag arfordir Ceredigion, cliciwch yma.